АСТАНА, 6 қараша — Sputnik. ЕАЭО үшін энергетика интеграциялық дамудың негізгі бағыттарының бірі болып саналады, деп мәлімдеді Абу-Дабиде өткен 29-шы ADIPEC-2025 халықаралық мұнай және газ көрмесі мен конференциясында ЕАЭО энергетика және инфрақұрылым министрі Арзыбек Кожошев.
"Сенімді және қолжетімді энергия көздеріне қол жеткізу экономикаға, жедел экономикалық өсімге және өмір сүру деңгейін жақсартуға тікелей әсер етеді", - деді ЕЭК министрі.
Экономиканың белсенді дамуы және жасанды интеллекті қоса алғанда, жаңа технологияларды енгізу одақ елдерінің энергия өндіруге деген қажеттілігін арттырып отыр, деп толықтырды ол.
"Жаңа энергетикалық тепе-теңдік: өзгермелі әлемдік тәртіпке бірлескен еуразиялық жауап" атты арнайы сессияда сөйлеген сөзінде Кожошев ЕАЭО елдерінің көпполярлы әлемде көшбасшы болуы үшін өзінің табиғи ресурстарын, инфрақұрылымын және инновациялық әлеуетін қалай пайдалана алатынын талқылады. Ойталқы шекарааралық ынтымақтастықты дамытуға, төмен көміртекті технологияларды енгізуді жеделдетуге және аймақтық нарықтық интеграцияға бағытталды.
"Ортақ энергетикалық нарықтарды қалыптастыру – интеграцияның жаңа кезеңі, белгілі бір дәрежеде еркіндікке қол жеткізу, бұл бар ресурстарды ұтымды пайдалануға ғана емес, сонымен қатар қолжетімді, сенімді және тұрақты энергия көздеріне тең қол жеткізуге мүмкіндік береді", - деді Арзыбек Қожошев.
ADIPEC-2025 конференциясы экономиканың қайта құруды жеделдету үшін энергетиканың әлеуетін зерттеуге, сондай-ақ энергетика саласындағы инновацияларды, технологияларды, стратегияларды және ынтымақтастықты талқылауға арналған.