АСТАНА, 4 қараша – Sputnik. Қазақстан мен Қырғызстаннан барған алғашқы 338 жүк көлігі Ресей шекарасынан жеңілдетілген рәсім бойынша өтті, деп хабарлады федералдық кеден қызметі.
Ведомствоның мәліметінше, көлік құралдарының ағыны өскен.
"Тасымалдаушылар мен жүк иелері – ресейлік заңды тұлғалар бұл тәртіптің тиімділігіне көз жеткізді, көлік ағыны біртіндеп артып келеді. Кедендік ресімдеу жедел жүргізіліп жатыр, ал кеден органдарының инфрақұрылымы мен жеке құрамы бұдан да көп жүк ағынын қабылдауға дайын", - делінген хабарламада.
Ресей президенті Владимир Путин 24 қазанда Ресейге Қазақстан мен Қырғызстаннан тауарларды құжатсыз автокөлікпен әкелуге рұқсат ететін жарлыққа қол қойды. Дегенмен, ол тауарлар ЕАЭО тауарлары ретіндегі расталған болуы керек.
Жарлық 2025 жылдың 10 желтоқсанына дейін күшінде болады.