АСТАНА, 30 қазан – Sputnik. Елімізде ЕАЭО мен Индонезия арасындағы еркін сауда туралы келісімге қол қоюға дайындық жүріп жатыр, деп хабарлайды Sputnik Қазақстан.
Қазақстанның Сауда және интеграция министрлігі құжат жобасын қоғамдық талқылауға ұсынды.
"Осы жылдың желтоқсан айында Жоғары Еуразиялық экономикалық кеңес алаңында ЕАЭО елдері бір тараптан және Индонезия екінші тараптан еркін сауда туралы келісімге қол қояды деп жоспарлануда",- делінген министрлік хабарламасында.
Ведомствоның мәліметінше, бұл келісім қазақстандық тауарларды Индонезия нарығында ілгерілетуге ықпал етеді.
Айта кетері, ЕАЭО мен Индонезия арасындағы еркін сауда мәселелері бойынша келіссөз 2022 жылы басталған.