АСТАНА, 29 қазан – Sputnik. Бахрейннің Манама қаласында өтіп жатқан жасөспірімдер арасындағы Азия ойындарында қазақстандық жүзгіш Александр Румынский рекорд жаңартып, алтын медаль жеңіп алды, деп хабарлайды Sputnik Қазақстан ҰОК баспасөз қызметіне сілтеме жасап.
Ол 100 метрге арқамен жүзуде қарсылас шақ келтірмеді.
"Румынский қашықтықты 56.44 уақытта жүзіп өтті. Осылайша жасөспірімдер арасында Азия ойындарының рекордын жаңартты", - деп жазылған хабарламада.
Күміс жүлдені Қытай спортшысы Цзы Шицы (56.56) жеңіп алса, қола медальді Тайбэй өкілі Кай Чан (56.78) иеленді.
Еске сала кетейік, бұған дейін ауыр атлетикадан Қазақстан құрамасының өкілі Нұржан Жұмабай жұлқа көтеруде 146 келіні көтеріп, жасөспірімдер арасында Азия және Азия ойындарының рекордын жаңартты. Осылайша 79 келіге дейінгі салмақ дәрежесінде сынға түскен спортшы алтын медаль жеңіп алды.