АСТАНА, 28 қазан - Sputnik. Алматыда 5 шетелдік террорлық акт жасамақ болды, деп хабарлайды Ұлттық қауіпсіздік комитеті.
Ұлттық қауіпсіздік комитеті Алматы қаласында қыркүйекте 5 шетелдік жоспарлаған террорлық актінің алдын алды.
"Олардың барлығы қамауға алынып, тергеу жүргізіліп жатыр. Сонымен қатар биыл қыркүйек пен қазанда терроризмді насихаттады деген күдікпен қылмыстық істер аясында 8 қазақстандық қамауға алынды", - дейді ведомстводағылар.
Сол кезеңде Ұлттық қауіпсіздік комитеті материалдары бойынша 6 адам террористік және экстремистік қылмыстар жасағаны үшін түрлі мерзімге бас бостандығынан айырылған.
Жалпы жыл басынан осындай қылмыстары үшін 89 адам қылмыстық жауапкершілікке тартылды, оның алтауы шетелдіктер, дейді комитеттегілер.