АСТАНА, 26 қазан – Sputnik. Ресейдің ядролық тежегіш күштерінің заманауилығы ең жоғары деңгейде, басқа ядролық мемлекеттерден асып түседі. Бұл туралы Ресей президенті Владимир Путин мәлімдеді, деп хабарлайды РИА Новости.
"Біздің қарулы күштеріміздің, дәлірек айтқанда, ядролық тежеу күштерінің заманауилығы ең жоғары деңгейде. Әрине, ешқандай асыра сілтеусіз айтуға болады. Ол барлық ядролық мемлекеттермен салыстырғанда, әлдеқайда жоғары деңгейде тұр", – деді ол арнайы әскери операцияға қатысып жатқан топ қолбасшыларымен өткен кеңес барысында.
Сондай-ақ ол стратегиялық ядролық күштердің жақында өткен жаттығулары Ресейдің ядролық қалқанының сенімділігін растағанын айтты. Стратегиялық күштер Ресей мен одақтас мемлекеттің ұлттық қауіпсіздігін толық көлемде қамтамасыз етуге қабілетті.