АСТАНА, 21 қазан – Sputnik. "Шар - Семей" темір жолында 23 жастағы жігітті пойыз басып кетті, деп хабарлайды "Қазақстан темір жолы" ҰК" АҚ баспасөз қызметі.
Оқиға 18 қазанда сағат 17:53-те болған.
"Ертістің сол жағы – Семей күзетілетін реттелетін өткелінде "Тальго" жолаушылар пойызы жылдамдықты сағатына 35 километрге дейін тежеуге мәжбүр болды. Өйткені темір жолға кенеттен адам шыққан", - дейді ведомстводағылар.
Жігіт локомотивтің дыбыстық дабылын елемеген.
"Алдын ала мәліметтер бойынша, ол құлаққап тағып, капюшон киіп алған. Сол себепті пойыздың даусын естімеген. Жәбірленуші жарақат алып, оң аяғынан айырылды", - дейді компания.