АСТАНА, 18 қазан – Sputnik. Жезқазғанда бірнеше ұрлық жасаған күдіктілер ұсталды, – деп хабарлайды Polisia.kz.
Полицияның жедел-іздестіру шаралары барысында 63 және 59 жастағы Жезқазған қаласының екі тұрғыны – ағайындылар анықталған.
"Тергеу барысында олардың биылғы жылдың тамыз бен қазан айлары аралығында бірнеше дүкен, сұлулық салоны және тұрғын үйден ақша, телефон, банк карталары мен бағалы заттарды ұрлағандары белгілі болды", - делінген хабарламада.
Жәбірленушілерге келтірілген жалпы материалдық шығын 1,5 миллион теңгеден асқан.
Күдіктінің екеуі де уақытша ұстау изоляторына қамалды.
Полиция азаматтарды жеке мүліктеріне ұқыпты қарап, бағалы заттарын қараусыз қалдырмауға шақырады.