АСТАНА, 18 қазан — Sputnik. Қаржылық мониторинг агенттігі қаржылық қауіпсіздік бойынша республикалық FinIQ диктантын ұйымдастырды.
FinIQ — бұл қаржылық ойлауды дамытуға және алаяқтық схемалардан қорғану дағдыларын қалыптастыруға бағытталған интерактивті IQ-тест.
Республиканский диктант по финансовой безопасности FinIQ
Бүгінгі таңда 2 миллионнан астам қатысушы өз білімдерін тексеріп, тестілеуден өтті.
"Тестте 20 сұрақ бар: қарапайым "дроп деген кім?" және "қаржы пирамидасын қалай анықтауға болады?" деген сұрақтардан бастап, жеке деректер, банк өнімдері мен онлайн-төлемдердің қауіпсіздігіне қатысты тапсырмаларға дейін қамтылған", - делінген агенттік хабарламасында.
Ең белсенді қатысушылар Түркістан облысы, сондай-ақ Шымкент пен Астана қалаларынан тіркелген.
Республиканский диктант по финансовой безопасности FinIQ
FinIQ тестіне мектеп оқушысынан бастап студенттер мен ересектерге дейін кез-келген адам қатыса алады. Тестті amlacademy.kz платформасында онлайн форматта, кез келген құрылғы арқылы 15–20 минут ішінде тапсыруға болады.
Диктант 20 қазанға дейін жалғасады.
Республиканский диктант по финансовой безопасности FinIQ
Барлық қатысушыға дипломдар мен сертификаттар, ал үздік нәтиже көрсеткендерге ұйымдастырушылар мен серіктестер атынан бағалы сыйлықтар табысталады.