АСТАНА, 8 қазан – Sputnik. Еуроодақ елшілері 2028 жылға қарай Ресейден мұнай мен газдан кезең-кезеңімен бас тарту туралы заң жобасын министрлердің мақұлдауына жіберуге келісті, деп хабарлайды РИА Новости Рейтер агенттігіне сілтеме жасап.
"Еуроодақтың ресейлік энергетикадан бас тартуды жеделдету жоспары бірінші кедергіден өтті... Сәрсенбі күні жабық отырыста Еуроодақ елшілері ұсынылған заң жобасын 20 қазандағы отырыста мақұлдау үшін министрлерге жіберуге келісті", - деп хабарлайды агенттік үш дипломатқа сілтеме жасап.
Заң жобасы жаңа келісімшарттар бойынша ресейлік газ импортын мынандай мерзімде кезең-кезеңімен тоқтатуды көздейді:
2026 жылдың қаңтарынан бастап жаңа келісімшарттар бойынша;
2026 жылдың маусымынан бастап қолданыстағы қысқа мерзімді келісімшарттар бойынша;
2028 жылдың қаңтарынан бастап ұзақ мерзімді келісімшарттар бойынша.
Сонымен қатар Венгрия мен Словакия 2028 жылға қарай ресейлік мұнай импортын тоқтатуға мәжбүр болады.
Батыс Украинадағы оқиғаларға байланысты Ресейге қарсы санкциялық қысымды күшейтті. Бұл Еуропа мен АҚШ-та электр энергиясы, жанармай және азық-түлік бағасының өсуіне әкелді. Ресейдің Украинадағы арнайы операциясы 2022 жылдың ақпанында басталғаннан бері Еуроодақ Ресейге қарсы 18 санкция пакетін енгізді.