АСТАНА, 1 қазан – Sputnik. УЕФА топтық кезеңнің екінші турында қақпашылардың үздік сейвтерін жариялады.
Видео топтамаға "Қайраттың" қақпашысы Шерхан Қалмырза да енді, деп хабарлайды Sputnik Қазақстан.
Шерхан Қалмырза ойынның 20-шы минутында "Реал Мадридтің" шабуылшысы Мбаппенің соққысын қайтарған.
Дәл осы сейв УЕФА-ның үздік топтамасына енді.
Сол ойында бес минуттан кейін Мбаппе пенальтиден гол соқты. Одан кейін тағы екі гол салды.
Айта кетері, "Спортинг"-ке қарсы матчтан кейін де УЕФА Шерханның ойынын ерекше атап өткен болатын.