АСТАНА, 30 қыркүйек — Sputnik. Қазақстан Еуразиялық экономикалық одақ (ЕАЭО) тарапынан өнеркәсіпке қандай қаржылық қолдау көрсетілсе, аграрлық салаға дәл сондай қолдау көрсетуді ұсынды, деп хабарлады премьер-министр Олжас Бектенов Еуразиялық үкіметаралық кеңестің отырысында.
Ол сондай-ақ Азия, Таяу Шығыс және Африка елдерімен еркін сауда туралы келісімдер бойынша келіссөздерді жандандыру қажеттігін атап өтті.
Минскіде Еуразиялық үкіметаралық кеңестің отырысы өтіп жатыр. Кеше Беларусьте ТМД үкімет басшылары кеңесінің отырысы өтті.