АСТАНА, 29 қыркүйек – Sputnik. Еуропалық көшбасшылардың Украинаға НАТО әскерін жіберу идеясы саяси прогреске кедергі келтіріп жатыр, деп мәлімдеді Лондондағы Ресей елшісі Андрей Келин РИА Новости агенттігіне берген сұхбатында.
"Украинаға НАТО әскерін жіберу - біз үшін қабылданбайтын іс-әрекет. Бірақ оны ешкім естігісі келмейді. Соның салдарынан еуропалық көшбасшылардың әскер жіберумен айналысуы Украинадағы қақтығысты тоқтатудың шешімдерін іздеу бойынша саяси процеске кедергі келтіріп жатыр", - деді Келин.
Қыркүйектің басында Парижде Ұлыбритания премьер-министрі Кир Стармер мен Франция президенті Эммануэль Макронның төрағалығымен "ниеттестер коалициясы" деп аталатын ұйымның отырысы өтті. Саммиттен кейін Франция басшысы 26 елдің қақтығыс тоқтағаннан кейін Украинаға тежеу күштерін орналастыруға дайын екенін білдірді.
Ресей АҚШ пен НАТО Украинадағы қақтығысқа қару-жарақ жеткізу арқылы ғана емес, сонымен бірге Ұлыбритания, Германия, Италия және басқа елдерде Украина қарулы күштерін дайындау арқылы тікелей қатысып жатыр деп бірнеше рет мәлімдеген.
Кремль Батыстың Украинаға қару-жарақ жеткізуі келіссөзге ықпал етпейтінін және оның кері әсері болатынын айтты.