АСТАНА, 24 қыркүйек - Sputnik. Атом энергиясы жөніндегі агенттік атом электр станциясының үздік атауына арналған жалпыхалықтық конкурс өткізу ережесін жариялады.
Алғашқы атом станциясы Алматы облысының Жамбыл ауданында орналасады. Атом электр станциясын "Росатом" корпорациясы салады.
Агенттік байқауға 16 жасқа толған ел азаматтары қатыса алатынын айтты. Қатысу ерікті және тегін.
"Конкурсқа қатысушылар айрықша мүліктік авторлық және сабақтас құқықтар, оның ішінде ұсынылған атауларды пайдалануға және ұсынылған атауларды пайдалануға рұқсат беруге немесе тыйым салуға айрықша құқық ұйымдастырушыға берілетініне келіседі, авторлық сыйақы төленбейді", - делінген ережеде.
Сондай-ақ конкурсқа қатысушылар ұйымдастырушының атауды, оның ішінде БАҚ-та авторға сыйақы төлемей-ақ жария пайдалануға құқығы бар екендігімен келіседі.
АЭС атауының қазақ немесе орыс тілдеріндегі ұсынылатын нұсқасында 30-дан аспайтын таңба болуы тиіс, делінген ережеде. Сондай-ақ бір қатысушыдан атау бойынша бір ғана ұсыныс қабылданады.
Байқау 25 қыркүйекте басталады, қорытындысы 31 қазанға дейін жарияланады. Ережелерді мына жерден табуға болады