АСТАНА, 16 қыркүйек – Sputnik. Украина басшысы Владимир Зеленский АҚШ президенті Дональд Трампқа Украинадағы қақтығысты реттеу бойынша шарт қойды. Бұл туралы ол Sky News телеарнасына берген сұхбатында айтты.
"Соғысты аяқтамас бұрын барлық келісімнің жасалғанын қалаймын. Мен <...> АҚШ пен еуропалық серіктестер қолдайтын құжат болса деймін. Бұл өте маңызды. Солай болу үшін бізге президент Трамптың нақты ұстанымы қажет", - деп мәлімдеді ол.
Зеленский "соғысты тоқтатудың жалғыз жолы – алдымен белгілі бір қауіпсіздік кепілдіктерін енгізу" деп мәлімдеді.
Ресей президенті Владимир Путин қыркүйекте қауіпсіздік кепілдігі Киевке де, Мәскеуге де берілуі керек екенін атап өтті. Ол Ресей оны толық көлемде орындайтынын, алайда әзірге ешкім оны байыпты деңгейде талқыламағанын айтты.