АСТАНА, 5 қыркүйек – Sputnik. Астанада "Рух желкені" халықаралық инклюзивті фестивалі өтіп жатыр, оған бес елдің: Ресей, Қазақстан, Қырғызстан, Түркия және Латвия өкілдері қатысып жатыр, деп хабарлайды Sputnik Қазақстан.
"Республикалық Ұлттық музейде фестиваль қонақтары экскурсия барысында бірқатар экспонатты, соның ішінде атақты Алтын адамды көрді. Ал музейдің ғылыми кітапханасында инклюзия және халықаралық серіктестікті дамытуға арналған дөңгелек үстел өтті. Атап айтқанда, онда Экстрабилити философиясы – адамның жасырын қабілеттерін ашу: жадыны, интуицияны, стандартты емес шешімдер қабылдау қабілетін, креативтілікті дамыту туралы сөз болды", - деп жазылған Россотрудничество хабарламасында.
В научной библиотеке музея состоялся круглый стол, посвященный инклюзии и развитию международного партнерства
© Россотрудничество
Россотрудничествоның Қазақстандағы өкілдігінің басшысы Ольга Филонова "Рух желкені" адамды өзгертеді, өмірдегі қиындықтарды жеңуге көмектеседі, тіпті өмірге деген қызығушылықты қалпына келтіреді деп есептейді.
"Мүмкіндігі шектеулі адамдар Экстрабилити катализаторына айналады. Бұл Қазақстанда өте маңызды, өйткені өзара көмек дәстүрі мұнда терең тамыр жайған және біз бірге адамдар, елдер мен мәдениеттер арасында шекара болмайтын болашақ қоғамға жол саламыз, біздің мақсатымыз - өзара баю", - дейді "Белая трость" автономды коммерциялық емес ұйымының президенті Олег Колпащиков.
Әлеуметтік кәсіпкер, тифлокомментатор Анна Лоенко музей құндылықтары мен картиналарды зағиптар тіліне "аудару" тәжірибесін бөлісті. Студент волонтерлермен бірге Анна арнайы музей аудиогид үшін мәтіндер дайындайды және өнер туындыларын кәсіби түрде сипаттап береді.
Астанада "Рух желкені" халықаралық инклюзивті фестивалі өтіп жатыр
© Россотрудничество
Іс-шара аясында "Белая трость" автономды коммерциялық емес ұйымымен "Атамның аманаты" қазақстандық қоғамдық бірлестігі ынтымақтастық туралы меморандумға қол қойды, бұл қоғам игілігі үшін әлі де көптеген халықаралық бастама күтіп тұрғанын білдіреді.
6 қыркүйекте сағат 10:00-ден 16:00-ге дейін Орталық саябақтың қалалық жағажайында Экстрабилити күні өтеді. Тілек білдірушілер желкенді катамарандар мен қайықтардағы инклюзивті регатаға қатыса алады, сондай-ақ гала-концерт пен бишілердің өнерін тамашалауға болады.