АСТАНА, 3 қыркүйек – Sputnik. Wildberries Қиыр Шығыста төрт жаңа логистикалық орталықты іске қосады, олардың жалпы аумағы 600 мың шаршы метрді құрайды. Бұл туралы RWB (Wildberries & Russ біріккен компаниясы) үкіметпен байланыс жөніндегі директоры Евгений Этин Шығыс экономикалық форумында (ШЭФ-2025) айтты, деп жазды РИА Новости.
"Біз бұл аймақта жұмыс табу проблема емес, қайта керісінше жұмыс істеуге дайын адамдарды тарту қиын екенін көріп отырмыз. Бұл мәселені жалпы ауданы 600 мың шаршы метрді құрайтын төрт жаңа логистикалық орталықты іске қосу арқылы шешіп жатырмыз. Бұл жұмысшыларды қажет ететін төрт ірі жаңа орталық", - деді Этин.
Жұмыс күшінің тапшылығы проблемасы көптеген өңірде бар – компания процестерді автоматтандыру арқылы оны барынша азайтады, ал ірі қойма орталықтарының пайда болуы жалпы өңірлік өнімнің 2-3%-ға өсуіне әсер етеді, деп толықтырды ол.
"Бізде үлкен өсім бар, әсіресе Қиыр Шығыс аймағына зор үміт артамыз... өйткені мұнда әлеует, "креатив" жеткілікті. Ал логистикалық оқшаулану адамдарға бірегей өнімдерді жасауға мүмкіндік берді...", - деп қосты ол.
2025 жылғы Шығыс экономикалық форумы 3-6 қыркүйекте Ресейдің Владивосток қаласында Қиыр Шығыс федералды университетінің кампусы алаңында өтеді.