АСТАНА, 29 тамыз – Sputnik. Бейжің өзінің делдалдық қызметін тықпаламайды, бірақ Украинадағы қақтығысты тоқтатуға көмектесуге дайын. Бұл туралы Ресейдің Қытайдағы елшісі Игорь Моргулов РИА Новости агенттігіне берген сұхбатында айтты.
"Қытайлық достарымыз өздерінің делдалдық қызметін ешкімге тықпаламайды, бірақ барлық тарап үшін қолайлы шарттармен диалог орнату үшін жағдай жасауға көмектесуге дайын екенін әрқашан растайды", - деді дипломат Қытайдың Украина дағдарысын шешудегі ұстанымы туралы айта отырып.
Еске сала кетейік, бұған дейін Қытай Украинадағы дағдарысты шешуге атсалысуға дайын екенін мәлімдеген болатын.
Өткен жылдың мамыр айында Қытай мен Бразилия Украинадағы қақтығысты саяси реттеудің алты тармақтан тұратын жоспарын бірлесіп жариялап, 100-ден астам елден оң пікір алған. Содан кейін Қытай сыртқы істер министрі Ван И Қытай, Бразилия және Жаһандық оңтүстіктің басқа елдері Украина дағдарысын шешу үшін "Бейбітшілік достары" атты ашық платформа құратынын мәлімдеді.