АСТАНА, 17 тамыз – Sputnik. АҚШ президентінің арнайы елшісі Стив Уиткофф дүйсенбі күні Владимир Зеленскиймен Украина қақтығысындағы аумақтар мәселесі талқыланатынын айтты, деп хабарлайды РИА Новости.
АҚШ президенті Дональд Трамп Зеленскийді ақпан айындағы келеңсіз жағдайдан кейін алғаш рет дүйсенбі күні Ақ үйде қабылдайды.
"Аумақтар - негізгі мәселе. Бұл мәселе Украина бақылауында болғандықтан, оның жұма күні Ресей президентімен келіссөз барысында талқылануы жөнсіз болар еді. Біз оны дүйсенбіде талқылап, мәселені нақтылаймыз және жақын арада бейбіт келісімге қол жеткіземіз деп үміттенеміз", - деді Уиткофф CNN телеарнасына.
Трамп пен Зеленскийдің Украина мәселесі бойынша кездесуі 18 тамызға жоспарланған.
Сондай-ақ Вашингтонға Франция президенті Эммануэль Макрон, НАТО Бас хатшысы Марк Рютте, Еуропалық комиссия төрағасы Урсула фон дер Ляйен, Германия канцлері Фридрих Мерц, Финляндия президенті Александр Стубб және Ұлыбритания премьер-министрі Кир Стармер де Вашингтонға барады деп көзделіп отыр.
Бұқаралық ақпарат құралдарының хабарлауынша, Италия премьер-министрі Джорджа Мелони де барады.