АСТАНА, 7 тамыз – Sputnik. АҚШ президенті Дональд Трамп Ресей басшысы Владимир Путинмен жақында кездесу мүмкіндігі жоғары екенін айтты, деп хабарлады РИА Новости.
"Жақындағы кездесуіміздің жақсы мүмкіндігі бар", - деді Трамп Ақ үйде.
Оның айтуынша, кездесудің мән-жайы әлі нақтыланған жоқ.
"Біз кездесу қайда болатынын әлі анықтаған жоқпыз. Бірақ президент Путинмен әңгімелесу өте жақсы болды. Біз осы бағыттағы бұл жолды аяқтауымызға өте жақсы мүмкіндік бар", - деді Трамп Ақ үйде.
Сонымен қатар Трамп Ресейге қарсы жаңа санкциялар салынатын уақыт та таяп қалғанын, бірақ дәл қазір өте маңызды келіссөздер жүріп жатқанын мәлімдеді.