АСТАНА, 1 тамыз – Sputnik. "ҚазАгроҚаржы" АҚ 4 тамыздан бастап ауыл шаруашылығы техникасын жеңілдетілген лизингке беруді қайта бастайды, деп хабарлайды ҚХА ақпарат агенттігі.
"4 тамызда Агроөнеркәсіптік кешенді қолдаудың мемлекеттік бағдарламасына — "Свой Корма" ауыл шаруашылығы техникасының жеңілдетілген лизингіне қатысуға өтінім қабылдаудың жаңа кезеңі ашылады", - деп жазды портал.
Бастаманың негізгі мақсаты:
1.
жем-шөп базасын дамыту,2.
малдың өнімділік көрсеткіштерін жақсарту,3.
өндірілетін ет-сүт өнімдерінің көлемін арттыру арқылы мал шаруашылығы фермаларының тиімділігін арттыру.Бағдарламаға биологиялық активтерді өсірумен, күтіп-баптаумен, бордақылаумен айналысатын, жайылымы немесе шабындығы бар және жемшөп ресурстарын сатып алу саласындағы қызметін ресми растай алатын шаруашылықтар қатыса алады.
Шарт талабына сәйкес қатысушылар субсидия алғаннан кейінгі келесі қаржылық кезеңнен бастап екі жыл ішінде қызметкерлердің жалақысын көтеруге және салық шегерімдерін кемінде 10%-ға арттыруға міндетті.
Бағдарламада жем-шөп жинауға арналған заманауи отандық және импорттық мамандандырылған техника мен жылжымалы суару техникасын сатып алу үшін қаржы қарастыру көзделген.
Қамтамасыз ету шарттарына 15% бастапқы жарнамен (аванстық төлеммен) он жылға дейінгі мерзімге жылдық 6% сыйақы мөлшерлемесі кіреді.