АЛМАТЫ, 27 шілде - Sputnik. Алматыда 5-ші деңгейлі өрт қауіптілігі жарияланды. Қалада құрғақ шөп жаппай шабылып жатыр, деп хабарлайды қалалық төтенше жағдайлар департаменті.
Жыл басынан бері Алматыда құрғақ шөптерді отау және жырту жұмыстарына қарамастан, 300-ден астам шөп жану оқиғасы тіркелген.
"Оның кейбіреуі таулы аймақтардағы өртке ұласып, тұрғын үйлерге оттың таралу қаупін тудырды. Қалалық дауылды ескертуге сәйкес, Алматыда 28 шілдеге дейін күндізгі температура 35–39°C дейін көтеріледі. Қала аумақтарында өрт қауіптілігінің 5-ші деңгейі сақталып отыр. Мұндай жағдайда кез келген ұшқын ірі өртке әкеп соғуы мүмкін", - дейді ведомство.
Қазіргі таңда әкімшілікпен бірлесіп, 104 шақырым аумақтағы құрғақ шөп шабылды. Мамандар қала тұрғындары мен қонақтарынан құрғақ шөп жанындағы от жағудан, шылым шегуден және шөп пен сабанды өртемеуді сұрады. Сондай-ақ:
бірнеше электр құрылғысын бір розеткаға қоспаңыз – бұл қысқа тұйықталуға және өртке себеп болуы мүмкін;
автокөлік ішінде балаларды қалдырмаңыз;
күннің өтіп келуін болдырмау үшін ашық күнде серуендеуден аулақ болыңыз.
Егер өрт салдарынан ауыр зардаптар болса, кінәлі адамдар қылмыстық жауапкершілікке тартылуы мүмкін.