АСТАНА, 26 шілде - Sputnik. Украина тағдыры Еуропа мен Ресей арасындағы буферлік мемлекет болуында. Бұл туралы Венгрия премьер-министрі Виктор Орбан әлеуметтік желідегі парақшасында жазды, деп хабарлайды Риа Новости.
"Бүгінде Украинаның тағдыры – Ресеймен шектесетін буферлік мемлекет болуында. Бұл жайсыз, жағымсыз болуы мүмкін. Украиндар мұны болдырмауға тырысуда, бірақ елдің мекенжайын өзгерту мүмкін емес", — деді ол.
Венгриялық саясаткер сондай-ақ Украинаны ЕО-ға қабылдамау керектігін ескертті, өйткені бұл қарулы қақтығысты Еуропаның қақ ортасына апарады.