АСТАНА, 14 шілде – Sputnik. Түркістан облысының әкімі Нұралхан Көшеров "Шардара" су қоймасы маңындағы жағажайларды аралап, туристік нысандардың санитарлық тазалық және қауіпсіздік талаптарына сәйкестін қадағалады.
Түркістандағы туристік аймақтардың тазалығы мен қауіпсіздігіне қатаң талаптар қойылды
© Photo : Түркістан облысының әкімдігі
Жағажайларда кемшіліктер анықталып, туристік аймақтың жұмысын жүргізіп жатқан кәсіпкерлерге сын-ескертпе айтылып, нақты тапсырмалар берілді.
"Жағажайларды жедел ретке келтіріңіздер. Тазалық, қауіпсіздік талаптарын сақтамағандарына заң шеңберінде жұмыс жүргізілсін. Жағажайларға қажетті талаптар сақталмаса, келісімшартты тоқтату керек. Жауапты басқарма басшылары, аудан әкімдігінің жауапты тұлғалары осы мәселе бойынша шұғыл жұмыс атқарыңыздар", - деді облыс әкімі.
Түркістандағы туристік аймақтардың тазалығы мен қауіпсіздігіне қатаң талаптар қойылды
© Photo : Түркістан облысы әкімдігі
Аймақ басшысы демалыс орындарында тіркелген жұмысшылар санын, салық төлемдерін де жүйелеуді тапсырды.
"Төтенше жағдайға жауапты мекемелер жұмысты күшейтіп, кемшіліктерді жоюы керек. Полиция тарапынан тазалық талаптарының орындалуы, алкогольді ішімдіктердің сатылмауы, жалпы тәртіптің сақталуы қадағалансын. Тұрғындардың қауіпсіздігі – ең басты мәселе. Екіншіден, осы туристік нысандардың салық төлемдеріне қатысты да сұрақтар бар. Жергілікті кірістер басқармасы жұмысты ширатсын", – деді Көшеров.