АСТАНА, 5 шілде - Sputnik. Астанада 6 шілдеде – Елорда күніне орай мерекелік отшашу болады, деп хабарлайды қалалық әкімдіктегілер.
Отшашу демеушілік қаражат есебінен ұйымдастырылады.
Салют шамамен сағат 23:00-де болады. Отшашуды отандық эстрада жұлдыздарының қатысуымен өтетін мерекелік "OPEN AIR" концертінен кейін "Ботаникалық бақ" аумағынан тамашалай алады.
Еске салайық, 6 шілдеде Қазақстанда Астана күні мерекесі атап өтіледі. Бұл мерекеге орай Астанада жыл сайын жүзден астам әртүрлі бағыттағы іс-шара өтеді.
Биыл да қала тұрғындары мен қонақтарына арнап ерекше шаралар, концерттер, шоулар, қойылымдар, акциялар, көрмелер, спорттық турнирлер және тағы басқа шаралар ұйымдастырылады.