АСТАНА, 3 шілде – Sputnik. Ресей президенті Владимир Путин мен АҚШ президенті Дональд Трамп телефон арқылы сөйлесті, деп хабарлады РИА Новости.
Президенттер украиналық қақтығысты реттеу және Таяу Шығыстағы жағдайды талқылады.
Ресей президентінің көмекшісі Юрий Ушаков Путин өз тарапынан Ресей қақтығысты саяси келіссөздер арқылы шешудің жолын іздеп жатқанын жеткізді. Дегенмен мемлекет басшылары нақты кездесу жөнінде келіспеген.
"Кездесу мүмкіндігі туралы нақты келісім болған жоқ. Бірақ бұл мәселе кезек күтіп тұрғанын, қажет болған жағдайда нақты келісімге келетінін жақсы білесіздер. Дегенмен дәл осы жолы бұл тақырып қозғалған жоқ", - деді Ушаков.
Ресей мен АҚШ басшыларының бұған дейінгі 14 маусымда сөйлесті. Әңгімелесу 50 минутқа созылып, президенттер Таяу Шығыстағы жағдайдың шиеленісуі мен украиналық қақтығысты реттеу мәселелерін талқылады. Сонымен қатар, Путин Трампты туған күнімен, АҚШ Құрлық күштерінің 250 жылдығымен және Америка туы күнімен құттықтады.