АСТАНА, 1 шілде – Sputnik. Еуроодақ Киевті қауымдастыққа қабылдамай, онымен стратегиялық келісім жасағаны жөн, деп мәлімдеді Венгрия премьер-министрі Виктор Орбан.
"Егер біз Украинаны ЕО-ға қабылдасақ, онымен бірге соғысты да қабылдайтын едік... Менің басқа ұсынысым бар, ЕО Украинаны қалай қолдайтыны туралы онымен стратегиялық келісім жасасайық. Украинаның ақшамызды сорып алуына, ал оның түбі күмәнді бизнесмендері немесе мафиоздары осында, Венгрияға және Еуроодаққа келіп алуына құқықтық негіз жасамайық", - деді Орбан TV2 телеарнасының эфирінде.
Венгрия премьер-министрі Еуроодақтың Украинаға қолдау көрсетуін тоқтатуды талап етпейтінін, бірақ оны "процесс барысында одақты жойып жіберетіндей деңгейде қолдамауды" ұсынатынын баса айтты.
Орбан Украина мемлекеті Батыстың ақшасынсыз өмір сүре алмайтынын, өйткені Украина экономикасы "өзін-өзі қамтамасыз етуді жалғастыра алатын өнімділікке ие емес" екенін атап өтті. Оның айтуынша, Владимир Зеленский Еуроодақтан миллиондық армияны қаржыландыруды және Еуропа елдері ЖІӨ-нің 1% мөлшерінде төлем талап етіп отыр.