АСТАНА, 24 маусым – Sputnik. "Ақжайық" мемлекеттік табиғи резерватының аумағындағы өрт толығымен жойылды, деп хабарлайды Төтенше жағдайлар министрлігінің баспасөз қызметі.
Алдын ала мәлімет бойынша жалын 1510 гектар аумаққа шарпыған.
"Қазавиақұтқару" АҚ-ның екі тікұшағы барлығы 400 тоннаға жуық су шашты. Өрттің таралуын болдырмау үшін тракторлардың көмегімен минералды жолақтар салынды", - деп жазылған хабарламада.
Өртті толық жою үшін барлығы 200-ге жуық адам мен 40 техника жұмылдырылды.
Қайта өрт шығып кетпеу үшін және жағдайды тұрақты бақылау мақсатында ТЖД, полиция және резерват қызметкерлерінің тәулік бойы кезекшілігі ұйымдастырылды.