Форум аясында Ресей президенті Жаңа даму банкінің басшысы Дилма Руссеффпен кездесу өткізеді, халықаралық ақпарат агенттіктерінің басшыларымен де кездеседі.
Сонымен қатар 20 маусымда Путин ПХЭФ пленарлық отырысында сөз сөйлейді.
Форум 1997 жылдан бері жыл сайын ұйымдастырылып келеді. Биылғы форумның тақырыбы – "Ортақ құндылықтар – көпполярлы әлемді дамытудың негізі".
Бағдарлама 150-ден астам іс-шараны қамтиды. Оларда цифрлық экономика, денсаулық сақтау, халықаралық қатынастар, экология, технологиялық инновациялар, фейктермен күрес және тағы басқа маңызды мәселелер талқыланады.