Мәскеуде Андрей Стенинді еске алуға арналған жас фототілшілердің XI халықаралық байқауының шорт-тізіміне енген лауреаттардың есімдері жарияланды.
2025 жылы байқаудың шорт-тізіміне 15 елдің жас фототілшілерінің жеке суреттері мен топтамалары кірді. Байқаудың халықаралық қазылар алқасы 2025 жылы бағалаған жұмыстардың жалпы саны 40 елден келген 593 қатысушының 1800-ге жуық жұмысын құрады.
Шорт-тізімде ұсынылған үміткерлердің жүлделі орындарын, сондай-ақ Гран-при жеңімпазын байқаудың ұйымдастыру комитеті күзде Жеңімпаздарды анықтау салтанатында, сондай-ақ Стенин байқауы сайтының орыс және ағылшын тілдеріндегі нұсқаларында жариялайды.
Толық тізімді, сондай-ақ шорт-ізімдегі іріктелген суреттерді сайттың орыс және ағылшын тілдеріндегі нұсқаларында көруге болады.
Байқау туралы
Ресей Федерациясының ЮНЕСКО істері жөніндегі комиссиясының қолдауымен "Россия сегодня" медиа тобы ұйымдастырған Андрей Стенин атындағы халықаралық фотожурналистика байқауы жас фотографтарды қолдауға және заманауи фотожурналистиканың міндеттеріне қоғамның назарын аударуға бағытталған.
Бұл жас фотографтарға – талантты, сезімтал және барлық жаңалыққа ашық, біздің назарымызды айналамыздағы адамдар мен оқиғаларға аударатын фотографтарға арналған алаң.