АСТАНА, 17 маусым – Sputnik. Астанада "Орталық Азия – Қытай" іскерлік кеңесінің екінші отырысы өтіп жатыр.
Шараға Қытай, Қазақстан, Қырғызстан және басқа да елдердің ресми өкілдері мен кәсіпкерлері жиналды.
"Атамекен" Ұлттық кәсіпкерлер палатасының бастамасымен жиында цифрлық портал құру туралы ұсыныс айтылды.
"Қазақстан жобалар, заңнама, логистика және инновациялық мүмкіндіктер туралы ақпаратты біріктіретін "Орталық Азия-Қытай" өңіраралық цифрлық порталын құруды ұсынып отыр. Мұндай порталға бизнес-каталогтар, қолдау қызметтері, инвестициялық жобалар кіруі мүмкін. Жалпы алғанда, бастамалар. Бұл бизнес пен инвесторлар үшін қолайлы болады", - деді Ұлттық палата төрағасы Райымбек Баталов.
Сонымен қатар ол шағын және орта бизнесті қолдау мәселелеріне тоқталды. Бұл жұмыспен қамтудың негізі ғана емес, инновацияның драйвері, деді Баталов.
"Сондай-ақ әкімшілік кедергілерді азайту және қаржыландыруға, халықаралық стандарттарға және жасыл дәлізге қолжетімділікті жақсарту арқылы шағын және орта бизнес үшін жаңа нарықтарға шығуға жағдай жасауға болады", - деді ол.