АСТАНА, 17 маусым-Sputnik. Мәскеуде Андрей Стенинді еске алуға арналған халықаралық жас фоторепортерлер байқауының қысқа тізіміне енген лауреаттар жарияланды.
Толық тізімді, сондай-ақ қысқа тізімдегі суреттердің таңдауын сайттың орыс және ағылшын нұсқаларынан көруге болады.
Андрей Стенин - 2025 фотобайқауы
© Photo : Армин Дургут (Босния и Герцеговина)
Халықаралық қазылар алқасы қатысушыларды анықтаған қысқа тізімге жүлделі орындар кірмейді: олар осы жылдың күзінде бас жүлде иегерімен бірге жарияланады.
Андрей Стенинді еске алуға арналған жас фоторепортердің ХІ Халықаралық байқауында қазылар алқасына фотожурналистикаға еңбек сіңірген шеберлер, ең жоғары халықаралық сыйлықтардың иегерлері кірді:
Владимир Вяткин (Ресей);
Анатолий Мальцев (Ресей);
Валерий Мельников (Ресей);
Дэвид Пухадо (Сербия);
Ариф Худаверди (Түркия);
Ван Цзянхуа (Қытай).
2025 жылы конкурстық қысқа тізім 15 елдің жас фоторепортерлерінің жеке суреттері мен серияларын біріктірді. Халықаралық қазылар алқасы бағалаған жұмыстардың жалпы саны - 1800. Жұмыстар 40 елдің 593 қатысушынан келген.
Андрей Стенин - 2025 фотобайқауы
© Sputnik
"Қазылар алқасы және біз үшін фоторепортерлердің туындысын қызықты әрі әдемі етіп суреттеп жеткізуі маңызды. Біз бұл көрнекі әлемді суреттер арқылы көреміз, оны кітап сияқты оқуға болады. Байқауға өте керемет жұмыстар келіп түсті және біз фотожурналист мамандығы сенімді қолда екенін мақтанышпен айтамыз. Біздің жас кәсіби фотожурналистер жасайтын нәрсені ешқандай жасанды интеллект жасай алмайды!", - деді байқау кураторы Оксана Олейник.
Байқау туралы
Ресей Федерациясының ЮНЕСКО істері жөніндегі комиссиясының қолдауымен "Россия сегодня" медиа тобы ұйымдастырған Андрей Стенин атындағы халықаралық фотожурналистика байқауы жас фотографтарды қолдауға және заманауи фотожурналистиканың міндеттеріне қоғамның назарын аударуға бағытталған.
Байқаудың халықаралық ақпарат серіктестері:
Sputnik ақпарат агенттігі және радиосы (халықаралық);
RT телеарнасы және порталы (халықаралық);
Тәуелсіз медиа холдингі (Оңтүстік Африка);
Xinhua ақпарат агенттігі (Қытай);
Shanghai United Media Group (SUMG) (Қытай);
the paper интернет-порталы (Қытай);
Press trust of India ақпарат агенттігі (Үндістан);
Antara ақпарат агенттігі (Индонезия);
mehr ақпарат агенттігі (Иран);
NAN ақпарат агенттігі (Нигерия);
Brasil 247 интернет-порталы (Бразилия);
Al Sharq газеті (Катар);
Iraq International News Agency (Ирак) ақпарат агенттігі.