АСТАНА, 10 маусым – Sputnik. VietJetQazaqstan (QAZAQ AIR) әуе компаниясы жазғы кезеңде әуе тасымалына сұраныстың артуына байланысты бірқатар танымал бағыт бойынша қосымша рейстер ашылатынын хабарлады.
8 шілдеден 31 тамызға дейін келесі бағыттарда қосымша рейстер қолжетімді болады:
Астана – Омбы – Астана (қосымша 3 жиілік, билет бағасы 31 000 теңгеден басталады),
Астана – Түркістан – Астана (сейсенбі күндері, билет бағасы 16 000 теңгеден),
Астана – Шымкент – Астана (күн сайын, билет бағасы 20 000 теңгеден),
Шымкент – Жезқазған – Шымкент (бейсенбі және жексенбі күндері, билет бағасы 16 000 теңгеден).
Қосымша рейстер жазғы маусымдағы жолаушылар ағынының маусымдық өсуін, демалыс кезеңін, мектеп каникулдарын және іскерлік сапарларды ескере отырып жоспарланған.