АСТАНА, 9 маусым – Sputnik. Еңбек тәуекелі картасы енгізілген сәттен бастап жоғары тәуекел аймағынан 90 мыңнан астам адам жұмыс істейтін 3 мың кәсіпорын шығарылды. Бұл туралы үкімет отырысында еңбек және халықты әлеуметтік қорғау министрі Светлана Жақыпова хабарлады.
Жүйе 2024 жылы іске қосылды.
"Жүйе жарақаттану көрсеткіштері, әлеуметтік аударымдар қозғалысы, кадрлардың тұрақсыздығы, кәсіподақтардың болуы және басқа да параметрлерді қоса алғанда, 23 көрсеткішті қамтиды", - деді министр.
Нәтижесінде жоғары тәуекел деңгейі бар кәсіпорындар саны 2 589-дан 1 799-ға дейін азайды.
Жүйе ықтимал заң бұзушылықтардың себебін жоюда жұмыс берушілерге қолдау көрсету арқылы инциденттік оқиғаларға жедел әрекет етуден проактивті алдын алу шараларына көшуге мүмкіндік берді.