АСТАНА, 10 маусым – Sputnik. Биыл Астанада 11 балабақшаны пайдалануға беру жоспарланып отыр, деп хабарлады қала басшысы Жеңіс Қасымбек әлеуметтік желідегі парақшасында.
Ол елордада 2017 жылдан бастап мемлекеттік балабақшалардың құрылысы тоқтап қалғанын да еске салды.
"Биыл 11 балабақшаны пайдалануға беруді жоспарлап отырмыз. Олар – жергілікті бюджет есебінен 1500 орындық 5 балабақша, жеке инвестиция есебінен 1094 орындық 4 балабақша, тұрғын үйлердің бірінші қабатында 185 орынға есептелген балабақша, сондай-ақ 120 орындық жаңғыртылған ғимарат. Аталған балабақшаларда 2899 орын ашылады", - деп жазды қала басшысы.
Сонымен қатар, жаңа оқу жылында тағы 15 мектеп ашылатыны белгілі болды.
Еске салайық, өткен оқу жылында 24 білім ордасы салынып, қолданысқа берілді. Оның 16-сы – "Жайлы мектеп" ұлттық жобасы аясында салынды.