АЛМАТЫ, 9 маусым – Sputnik. Таразда жасөспірімдер жолдың дәл ортасында қимылсыз тұрып қалды. Оқиғаға қатысты Жамбыл облыстық полиция департаменті түсініктеме берді, деп хабарлайды Sputnik Қазақстан.
Жолды кесіп өтіп бара жатқан екі бала дәл жолдың ортасына келгенде тас мүсінше қатты да қалды. Видео әлеуеттік желіде тарады.
Бірі "матрица ма, бұл не оқыс жағдай" десе, енді бірі "балалардың ойыны" екенін айтты. Балаларды сөккен желі қолданушыларына кейістік танытып, әзіл мен мейірімнің қоғамда жоғалып бара жатқанын айтқандар да болды. Бейнежазбаға қатысты облыстық полиция департаменті түсініктеме берді.
"Жасөспірімдер мен олардың ата-аналарының кім екені анықталып жатыр. Балалардың қауіпсіздігі туралы алдын-алу жұмыстары жүргізіледі", - дейді ведомство.