АСТАНА, 31 мамыр – Sputnik. Президент Қасым-Жомарт Тоқаев "АЛЖИР" музейін аралап көрді, деп хабарлады Ақорда.
Мемлекет басшысы тоталитарлық жүйе құрбандарының өмірінен сыр шертетін бірегей құжаттар, тұтқындардың жеке заттары, архив материалдарымен танысты.
1938-1953 жылдары мыңдаған әйел адам төзгісіз жағдайда жазаларын өтеген бұл қасіретті орын – бүгінде маңызды жалпыұлттық ескерткіштердің бірі.
Еске сала кетейік, бүгін президент саяси қуғын-сүргін және ашаршылық құрбандарын еске алуға арналған іс-шарада сөз сөйледі. Ол саяси қуғын-сүргін – тек қазақ халқының басына түскен зобалаң емес екенін атап өтті. Оның айтуынша АЛЖИР-де алпыстан астам этнос өкілдері қамауда болған.
31 Мамыр 2025, 11:24