АСТАНА, 28 мамыр– Sputnik. Төтенше жағдайлар министрлігінің "Қазселденқорғау" облыстық филиалының басшысы сотталды, деп хабарлайды сыбайлас жемқорлыққа қарсы іс-қимыл агенттігі.
Шығыс Қазақстан облысында Өскемен қаласының № 2 сотымен төтенше жағдайлар министрлігінің "Қазселденқорғау" мекемесі облыстық филиалының басшысы Станбековке қатысты үкім жарияланды.
Ол қала тұрғынын филиалға жалған жұмысқа орналастыру арқылы 2,7 млн теңге жымқырғаны үшін кінәлі деп танылды.
"Станбековке мемлекеттік қызметте және квазимемлекеттік секторда лауазымдарды атқару құқығынан өмір бойына айыра отырып, 3 жыл мерзімге бас бостандығынан айыру түріндегі жаза тағайындалды", - делінген хабарламада.
Сот актісі заңды күшіне енген жоқ.