АСТАНА, 19 мамыр – Sputnik. Екі халықаралық есірткі арнасы жойылды, деп хабарлайды Ұлттық қауіпсіздік комитеті.
Қазақстанның Ұлттық қауіпсіздік комитеті Ресей және Қырғызстанның құзырлы органдарымен бірлесе халықаралық есірткі арналарын жою бойынша екі арнайы операция жүргізді.
"Аталған елдердің аумағында бірлескен іс-қимыл нәтижесінде есірткіні көтерме саудамен өткізген қылмыстық топтың 4 мүшесі ұсталды. Заңсыз айналымнан 20 кг синтетикалық есірткі тәркіленді", - делінген хабарламада.
Есірткі саудасының халықаралық арналарын бейтараптандыру бойынша іс-шаралар жалғасып жатыр.