АСТАНА, 15 мамыр - Sputnik. 33 жыл бұрын - 1992 жылдың 15 мамырында Ташкентте ТМД-дағы алты мемлекеттің басшылары Ұжымдық қауіпсіздік туралы шартқа қол қойды. Олардың ішінде Ресей, Қазақстан, Армения, Қырғызстан, Тәжікстан, Өзбекстан бар.
Шарт 1994 жылдың 20 сәуірінде күшіне енді.
2002 жылдың 14 мамырында Мәскеудегі сессияда ҰҚШҰ – Ұжымдық қауіпсіздік шарты ұйымы құрылды. Ұйым қазіргі таңда мүше мемлекеттердің - Ресей, Армения, Беларусь, Қазақстан, Қырғызстан және Тәжікстанның тұрақтылығы мен қауіпсіздігіне кепіл.
ҰҚШҰ-ға мүше мемлекеттердің негізгі міндеттерінің бірі - ұйымның ұжымдық күштерінің, оның ішінде Ресей Федерациясы қарулы күштерінің озық тәжірибесін ескере отырып, жауынгерлік қабілетін арттыру.
Биыл ҰҚШҰ бірлескен оқу-жаттығуы Беларусь, Қазақстан, Қырғызстан және Тәжікстан аумағында жоспарланған.