АСТАНА, 1 мамыр – Sputnik. АҚШ алдағы жүз күнде Украинадағы қақтығыс тараптары арасында тікелей келіссөзді бастауға ниетті, деді АҚШ вице-президенті Джей Ди Вэнс Fox телеарнасына берген сұхбатында.
"Бізде бірінші қадам – бейбіт ұсыныс енгізу. Алдағы 100 күн ішінде біз тараптарды келіссөз үстеліне отырғызу үшін көп жұмыс атқарамыз", - деді ол.
Вэнстің айтуынша тіпті АҚШ президенті Дональд Трампты сынайтын еуропалық одақтастар да бұл процесті бастау оның ғана қолынан келгенін мойындайды.
"Бұл екі тарап тіпті бір-бірімен де, басқалармен де сөйлеспеді. Олар тек соғысты. Президент қана істі алға жылжыта алды", - деп есептейді АҚШ вице-президенті.
Осы аптаның басында Ресей президентінің баспасөз хатшысы Дмитрий Песков тікелей келіссөздерге дайын екендігі туралы сигнал Киевтен келуі керектігін, бірақ Мәскеу әзірге ешқандай іс-әрекетті көрмегенін мәлімдеді. Сонымен бірге ол Владимир Путин Ақ үйдің арнайы өкілі Стив Уиткофпен кездесуінде Украинамен алдын ала шартсыз келіссөз жүргізуге дайын екенін растағанын хабарлады.