АСТАНА, 28 сәуір – Sputnik. Энергетика министрі Ерлан Ақкенженов "Шет-Энерго" компаниясына қарасты энергия желілері қашан жөнделетінін айтты, деп хабарлайды Sputnik Қазақстан.
Биыл ақпан айында Шет ауданында жергілікті ауқымдағы төтенше жағдай режимін енгізуге тура келді. Себебі жеке меншік компания электр желілерін жаңғыртуға қаражат салмаған.
Энергетика министрі Ерлан Ақкенженовтың айтуынша, "Шет-Энергоның" проблемасына екі жылдай уақыт болып қалған. Бұл компанияны мемлекет меншігіне қайтару жоспарланып отыр. Ол үшін реквизиция, яғни, компанияны мемлекет меншігіне мәжбүрлі қайтару шаралары қолға алынды.
"Жөндеу жұмыстарын өткізу үшін иесі болуы керек. Бүгінде ондай адам жоқ деуге болады. Біз соттың шешімін күтіп отырмыз. Соның негізінде иесі анықталады. Ал мемлекет меншігіне қайтарылса, жөндеу жұмыстарын бюджеттік өтінімге енгізуге болады", - деді министр мәжілісте өткен жиында.
Айта кетері, бұл ауданның тұрғындары қуаттың жиі өшіуінен зардап шегіп келеді.