АСТАНА, 27 сәуір – Sputnik. Украина бойынша келісімнің қандай да бір шарттары жайында алдын ала айту әлі ерте. Бұл туралы Ресей президентінің баспасөз хатшысы Дмитрий Песков айтты, деп хабарлайды РИА Новости.
"Ресей Федерациясы мен АҚШ арасындағы Украина бойынша келісімнің шарттары жайында айту әлі ерте", - деді Песков "Москва. Кремль. Путин" бағдарламасының авторы Павел Зарубинге берген сұхбатында.
Оның айтуынша, Украина мәселесін реттеу жұмысы жалғасып жатыр.
Айта кетері, бұған дейін АҚШ президенті Дональд Трамп Украина бойынша келіссөздер жақсы жүріп жатқанын және келісімге келу "өте таяу" екенін мәлімдеген болатын.