АСТАНА, 11 сәуір – Sputnik. Қасым-Жомарт Тоқаев Шымкент әуежайының жаңа терминалымен танысты, деп хабарлайды Ақорда.
Тоқаевтың қаланы дамыту жөніндегі тапсырмасы аясында салынған әуе айлағының құрылысына жеке инвестор 24 миллиард теңге қаражат жұмсаған.
Президентке Қазақстанның оңтүстігінде бірегей авиациялық хаб қалыптастыру өңірдегі әуе қатынасының бағыт санын 17-ден 59-ға дейін ұлғайтуға, сондай-ақ Еуропа мен Азияның бірқатар еліне рейстер ашуға мүмкіндік беретіні жөнінде баяндалды.
Тоқаев жұмыс сапарымен Шымкент қаласында жүр. Ол қаланың әлеуметтік-экономикалық даму тынысымен танысады.