АЛМАТЫ, 11 сәуір – Sputnik. Әлеуметтік желіде Астанада маньяк жүр деген қасесет таралып жатыр. Қалалық полиция департаменті бұл ақпаратты жоққа шығарды, деп хабарлайды Sputnik Қазақстан.
Желіде тараған ақпаратта маньяк Көктал ауданында жасөспірімдерге шабуыл жасайтыны айтылған. Полиция бұған қатысты түсініктеме берді.
"Астана қаласының полиция департаменті бұл ақпарат шындыққа жанаспайтынын хабарлайды. Азаматтардан тек ресми ақпарат көздеріне сенуді сұраймыз. Елордадағы жағдай бақылауда", - деп жазды ведомство.
Полицияның айтуынша, алаңдауға негіз жоқ, бұл – жалған ақпарат.