АСТАНА, 23 наурыз– Sputnik. Тіпті 2023 жылы қарсы шабуыл басталғанға дейін де Украинаның жеңіске жетуіне ешқандай алғышарт болмады, деп мәлімдеді Чехия президенті Петр Павел.
Павел жұма күні Киевке сапармен барды, оның алдында Одессада болды.
"Екі жыл бұрын, Украина ауқымды қарсы шабуылды бастамас бұрын, сіздерде жеңіске жетудің алғышарты болған жоқ, өйткені сәтті шабуыл үшін, әскери теорияға сәйкес, күш балансы кем дегенде 3-тен 1-ге, ал ең жақсысы 5-тен 1-ге тең болуы керек, алайда күш басымдығы тіпті керісінше Ресейдің жағында болды.
Сондықтан қарсы шабуыл барлық аумақты азат ету үшін сәтті болмайтыны анық еді. Ал қазір енді Украина өз аумағын ұстап тұруы үшін, бұдан кейін ештеңе жоғалтпауы үшін және мүмкіндігінше атысты тезірек тоқтатып, содан кейін бейбітшілік орнату үшін қолдау көрсетуді жалғастыру керек деп есептеймін", - деді Павел украиналық "Европейская правда" басылымына берген сұхбатында.