АСТАНА, 19 наурыз – Sputnik. Украина әскерилері Путин мен Трамптың телефон арқылы әңгімесіне теріс сипат беру үшін күндіз Белгород облысына басып кіруге әрекеттенді, деп хабарлады Ресей қорғаныс министрлігі.
"2025 жылдың 18 наурызында кешке жоспарланған Ресей Федерациясы мен АҚШ президенттерінің Украинадағы қақтығысты реттеу бойынша келіссөздеріне теріс сипат беру және АҚШ президенті Дональд Трамптың бейбітшілік бастамаларын жоққа шығару үшін Киев режимі Украинаның қарулы бөлімшелерін Демидовка және Прилесье елді мекендерінің бағытында Ресейдің Белород облысындағы бөлімшелеріне басып кіргізуге әрекеттенген", - делінген хабарламада.
Жалпы, қарсылас тарап күндізгі уақытта бес шабуыл жасаған.
Бұл әрекетке барлығы 200-ге жуық украин жауынгері мен 29 әскери техника тартылған.
Барлық шабуылдау әрекетіне "Солтүстік" әскер тобының мемлекеттік шекарасын қамтитын бөлімшелері тойтарыс берді.