АСТАНА, 19 наурыз – Sputnik. Оман мен Черногория Қазақстанмен визасыз режимді ұзартты, деп хабарлады Сыртқы істер министрлігі.
Черногория қазақстандықтар үшін визасыз режимді биылғы 31 желтоқсанға дейін ұзартты.
"Бұл Черногорияға туристік және іскерлік сапарларды жоспарлайтын қазақстандықтар үшін жаңа мүмкіндіктер ашады, сондай-ақ екіжақты ынтымақтастықты нығайтуға ықпал етеді", - деп атап өтті министрлік.
Оманда қазақстандық азаматтар визасыз 14 күннен 30 күнге дейін бола алады. Алайда визасыз режим жұмысқа орналасуға, оқуға және тұрақты тұруға құқық бермейді, тек туризм үшін ғана беріледі.
Сондай-ақ бүгін Қазақстан мен Марокко арасында визасыз режим іске қосылды.
