АСТАНА, 17 наурыз – Sputnik. Үкімет басшысы Олжас Бектенов биыл мыңға жуық ауылға ауыз су тартылатынын мәлімдеді, деп хабарлайды Sputnik Қазақстан.
Үкіметтің есебіне сәйкес, соңғы жылдары ауқымды жұмыс атқарылды. Атап айтқанда, 2019 жылы қалаларда сумен жабдықтау 97,2%, ал ауылдарда 86,4% болса, бүгінде осы көрсеткіштер 99,4 және 97,8%-ке жетті. Бүгінде 6 256 ауылдың ішінде 5 523 ауыл сумен қамтылды.
"Қалған 833 ауыл осы жылдың соңына дейін таза суға қол жеткізеді. Соның ішінде 238 елді мекенде орталықтандырылған сумен жабдықтау жүйелері салынады, 595 ауылдық елді мекенде кешенді блок-модульдер орнатылады", - деп жазды Бектенов "Ілгерілеуге бастаған алты жыл: Қазақстан орнықты даму жолында" мақаласында.
Осы орайда премьер Астанада болған ауызсу тапшылығын да тоқталды. Бүгінде №3 сорғы-сүзгі станциясының құрылысы аяқталды. Ал Сәтбаев атындағы каналдан су құбырын тарту жұмыстары басталды. Осы шаралар елорданы сумен қамтамасыз ету мәселесін ұзақ мерзімге шешуге мүмкіндік береді.