АСТАНА, 5 наурыз – Sputnik. АҚШ президенті Дональд Трамп Украинадағы қақтығыстарды тоқтату үшін "тынымсыз" күш салып жатқанын және екі жақпен де диалогты жалғастыратынын айтты, деп хабарлады РИА Новости.
"Бұл ақымақтықты тоқтататын кез келді, бұл мағынасыз соғысты аяқтайтын уақыт келді. Осы бағытта тынымсыз жұмыс жүргізіліп жатыр және екі тараппен де диалог жалғасады", - деді Трамп Конгреске сөйлеген сөзінде.
Оның айтуынша, Мәскеумен келіссөздер барысында америкалық тарап бітімге келуге дайын екендігі туралы "мықты сигналдар" алған. Трамп мұны "керемет нәтиже" деп бағалады.
Ол қақтығысты мүмкіндігінше тезірек тоқтату керектігін және бұл үшін барлық тараптың ынтымақтастығы қажет екенін айтты.
"Егер соғысты тоқтатқымыз келсе, екі жақпен де сөйлесу керек", - деді Трамп.